DW-World.de
Deutsche Welle

A wani mataki dake zaman abin tarihi na ba zata a Amurka jam'iyar Democrat ta tabbatar da naɗa Barack Obama a matsayin ɗan takararta na zaɓen shugaban Amurka da zai gudana a watan Nuwamba. Naɗa Obama a matsyin ɗan takarar jam'iyar, baƙar fata na farko ya samar da haɗin kai fatan alhairi da ya janyo zud da hawaye na murna tsakanin taron jama'a da suka halarci wannan buki. Ko kafin a yi haka sai da Joseph Biden mataimakin Obama da Bill clinton suka yi jawabi . A cikin jawabinsa Clinton ya nuna matuƙar amincewa da Obama a matsayin ɗan takarar jam'iyar. Ɗaukakar Obama ta siyasa ta kasaita ne ma da kiran da tsohuwar abokiyar hamayyarsa, Hilary clinton ta yi ga magoya bayanta da su mara mishi baya a wannan zaɓe.