DW-World.de
Deutsche Welle

Një javë pas ciklonit "Nargis", në Birmani qindra mijëra viktima presin ndihma. Megjithë apelet e shumta  ndërkombëtare që junta ushtarake të mos bllokojë furnizimin e vendit me ndihma, shumë përfaqësues të organizatave të huaja nuk janë lejuar të shkojnë në zonat e prekura nga katastrofa natyrore. Vetëm  në raste të veçanata artikujt ushqimorë dhe disa ndihma të nevojshme kanë arritur të depërtojnë tek  njerëzit  që janë në kushte shumë të rënda. Mediat njoftojnë  se junta ushtarake, megjithë  gjendjen katastrofale në vend, ka lejuar zhvillimin e referendumit  për  miratimin e kushtetutës së re, me të cilën do të forcohet edhe më tej  pushteti i gjeneralëve. Numri i viktimave, ndërkohë, ende mbetet i paqartë. Sipas OKB-së  kanë humbur jeten rreth 100 mijë njerëz.