DW-World.de
Deutsche Welle

 Në Pragë u nënshkrua marrëveshja mes SHBA-ve dhe Çekisë, e cila parasheh që Uashingtoni  të instalojë sistemin e mbrojtjes raketore në Çeki. Nënshkrimi u bë gjatë ditës nga shefat e diplomacive të dy vendeve, Kondoliza Rajs (Conodlezza Rice) dhe Karel Schvarzenburg.
Marrëveshja e nënshkruar sot duhet të miratohet në parlamentin e Çekisë. Sekretarja amerikane e Shtetit u takua  dje në Varshavë edhe me homologun e saj polak, Radoslav Sikorski. Por Shtetet e Bashkuara dhe Polonia nuk kanë arritur marrëveshjen, e cila do lejonte instalimin e një pjese të mbrojtjes raketore amerikane në territorin polak. Rajs gjatë turneut evropian do të vizitojë po ashtu Bullgarinë dhe Gjeorgjinë.